Sopi Berubah Nama Di Tengah Jalan

Yaklep deng Obed ni dong 2 lagi sementara Miras,

karna miras su mau habis Obed de suruh Yaklep pergi beli Sopi (miras).
Pas keluar dari Lorong Kompleks
karna gelap Jadi Yaklep de Panggil ojek yang lewat di depan Kompleks:

Yakleb : “Pace ko ojek kah..??”
Pace : “ko mau kemana?”.
Yaklep : “antar sa cari Sopi dulu”.

Yaklep de naik begini pas sampe di Pos Polisi, Pace Ojek dia berhenti.

Yaklep : “Eh..Ko kenapa berenti disini kah ..??”.
(Yaklep baru sadar Pace ternyata polisi).
Pace : “Ko mau beli Sopi to.??”

Karena Yaklep de takut langsung de jawab:
Yakleb :”Ah mungkin tadi Bapa salah dengar karena Pake helm ..”
Pace : “bah ko tadi bilang mau beli sopi”.
Yaklep : “tadi sa cuma mau minta tolong antar sa ke Kios buat beli SOPITORABIKA MOCCA”

—–

Bapa Nama Ganti Jadi Bro

Yaklep ne anak yang paling nakal di de pu sekolah..
De orang tua slalu dapat panggil gegara de pu kenakalan,
Jadi Yaklep pu bapa ini su bingung deng yaklep pu kelakuan..
Pas mo truma raport jd yaklep de blng de pu bp.

Yaklep: “besok bapa ke skolah ambil sa pu raport e…”

Karna pace de su tau de pu anak pu kelakuan jd pace de blng.

Bp: “aaee sa mls pi ambil palig ko pu nilai tidak tuntas semua. Kalo ko nilai tra tuntas jangan ko panggil sa bp”

Keesokan harinya yaklep ke skola mo ambil de rapaot gini guru tramokasi jd yaklep de rayu guru sampe akhirnya de dapat kasi rapot, lalu de bawa pulang gini de bp tanya.

Bp: “bgmna deng ko pu nilai”
Yaklep: “adu brow nilai tra tuntas ni”
Bp: “kimai kenapa ko panggil sa brow”
Yaklep: “kan bp yg blng kemarin klo sa nilai tra tuntas jgn panggil sa bp.”